Matrakak berak jakitera eman duenez, Aitor Txarterina ipuin kontalaria eta bizikleta saltzailea izango da Xake taulatik aurkezle lanak egin eta festa girotu eta gidatuko duena. Txarterinak abantaila izango du, bertako ikaslea izan baita eta kafetegia primeran ezagutzen baitu.
Algortako Fredi Paia bertsolaria izango da gonbidatuetako bat, baina, jakina, ez da bakarra izango. Bideo emanaldi eta DJekin tartekatuta, Kashbadeko abeslaria izan eta talde propioa duen Sorkun, Oreka TX txalapartari multimediatikoak, Makala Sound System eta Blami Aktion-Painting ere bertan izango dira.
Matrakalariak
Bere aldetik, Matrakako kazetari eta kolaboratzaileak Matrakako azken alea banatzeaz aparte, prest egongo dira "edozein motatako ekarpenak hartzeko" eta "Matrakaren atzean hezur-haragizko jendea" dagoela erakusteko. Baina, kontuz haiekin, jendearen atzean ere ibiliko baitira Matrakarako kolaboratzaile berriak erreklutatzen.
Berria egunkariak unibertsitate eta Lanbide Hezkuntzako zentruetan doan banatzen duen Matraka gazte aldizkariak "Matraka Txoua" ospatuko du bihar Uribe Kostako unibertsitate-hiriko kafetegi nagusian. Mus katedral horretan izango dira, besteak beste, Sorkun, Makala, Oreka TX, Fun-Tsak, Blami, Fredi Paia, Break-dantzariak eta Matrakako kazetariak. "Txoua" goizeko 11:30etan abiatuko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun