Horretaz gain, obra tarteetan arreta handiagoa jartzeko, seinaleak jarraitzeko eta, bereziki, abiadura muga ez gainditzeko gomendioa egin die gidari guztiei Ertzaintzak. "Arreta handiz gidatzea beharrezkoa da, aipatu guneetan aldaketak egon daitezkeelako obrak aurrera joan ahala", azaltzen dute.
290 arau-hauste
Astelehenean eta asteartean 290 gidarik jaso zuten salaketa, abiadura muga gainditzeagatik; zaindutako ibilgailu guztien %7,4, Herrizaingo Sailetik helarazitako datuen arabera. Normalean, %2 eta 3 artean izaten omen dira salaketak. Legedia eskuan hartuz, isuna eta gida-baimena kentzea dakar horrek.
Abiadura kontrolak areagotu dituzte Erandio eta Sondika artean
2005ko mar. 4a, 14:31
Auto-istripuak ekiditzeko asmoz, zaintza lanak eta abiadura kontrolak areagotu ditu aste honetan Ertzaintzak, Txorierriko Korridoreko lanak egiten ari diren Erandio eta Sondika arteko zatian. Norabide bietan dira obrak eta, ondorioz, bide bakoitzaren zabalera txikiagotu eta 120 kilometro orduko abiadura muga 70ra murriztu dute. Herrizaingo Sailaren iturrien arabera, "abiadura eta gidatzeko modua ez dute errepidearen baldintza berrietara moldatzen autoan doazenetatik gehienek. Hortaz, istripua izateko arriskua handiagotu egiten da". Horregatik egin dituzte aldaketak 5 kilometroko zatian, gidariak ohartarazteko beharrezko seinaleak jarriz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun