Datozen egunetarako ekitaldiak Erandion:
Kantagunea:
Martxoaren 10ean, eguena, “La plaza” (Eguz) tabernan. Orreagan Korrika hasiera egun horretan izango dela ospatzeko, tabernaz-taberna kantatzen abiatuko gara, “La plaza” tabernan hasita 19:30ean. Bolanderak ere botako ditugu Korrika bertan hasiko balitz bezala.
Korrika afaria
Martxoaren 12an, zapatua, Goikolanda eskola berrietan.
Afari goxoa 15 euroren truke, hauxe duzue menua: arrain zopa, ahuntza eta tarta. Musika, kantuak, zozketak... Sarrera erosteko azken eguna martxoaren 8a izango da, eta jadanik salgai daude hainbat lekutan: Erandiolandako taberna bietan, ileapaindegian, Elordui eta Pinubarri tabernetan, Goiherriko ileapaindegia eta Katea tabernan. Hasi, 21:30ean hasiko da, bukatu, batek daki.
Korrika eguna
Martxoaren 19an, zapatua. Eguerdiko 12:30etik aurrera Erandio eta Astrabuduako plazan umeentzako jokuak eta taillerrak egongo dira: txistulariak eta dantzak Astrabuduan, erraldoiak eta gaiteroak Bekoan. 14:30ean otzararen zozketa, txitxiburduntzia, fanfarriak… 16:00etan guztiok gasolinora euskararen alde korrika egiteko prest.
Erandioko Korrika Batzordeak antolatuta, triki-jira baten bidez herria girotu eta alaitu ostean, Erandioko Udal Azokan izango da 14. Korrikaren aurkezpena. Bertan, "aurtengo edizioari buruzko informazioa, bideo-aurkezpena, ipuin kontalaria, korrika dantza, bertsoak, askaritxoa ardo goxoaz... euskal giro ederra" egongo dela agindu du antolakuntzak. Horren truke, eskaera xume bat egin die herritarrei: "ahal izanez gero, beste urteetako Korrika petoak jarrita eroango doguz, jaia apur bat janzteko". Hitzorduak bi dira: 18:45ean, metro geltokian, triki-jiran abiatzeko, eta 19:30ean, Erandioko Udal Azokan, aurkezpen ekitaldia osorik gozatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun