Presoak gose greban egongo direla, Frantziako Fleury espetxera antolatu dute martxa, martxoaren 19an, "Presoak bizirik, status politikoa orain! lelopean. Amnistiaren Aldeko Mugimenduak Uribe Kosta eskualdean gutxienez hiru autobus bete nahi ditu. Autobusak18an abiatuko dira, 20:00ak inguruan eta ohiko lekuetan eman beharko da izena.
Harremanetarako:
http://oihua.webgune.net
e-posta: info@barrutik.org
Inoiz baino eskualdeko preso gehiago egongo dira itxita azken txandan
2005ko mar. 5a, 20:43
Euskal Preso Politikoen Kolektiboak (EPPK) abian jarritako "borroka iraunkorreko dinamikaren" barruan, gaur hasi da zazpigarren eta azken txanda. Oraingo honetan Uribe Kostako 13 euskal preso politiko egongo dira itxita: Urdulizko Andoni Muñoz (Langraitz) eta Iñaki Bilbao (Zuera); Itzubaltzeta / Erromoko Iñaki Gonzalo (Dueñas); Endika Lejarzegi (Aranjuez), Arkaitz Goikoetxea (Navalcarnero), Txetxu Fernandez (Martutene), Marian Perez del Rio (Martutene) eta Aimar Hidalgo (Aranjuez); Sopelako Olga Sanz (Zuera), Jose Mari Tokero (Teruel) eta Txabi Moreno (Zuera); Berangoko Martin Etxegarai (Zuera) eta Leioako Pagoa Zulueta (Aranjuez). Hamar egun barru, itxialdiaren azken txanda amaitzerakoan, gose grebari ekingo diote presoek martxoaren 15etik 26ra arte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun