Asteazken honetan (martxoak 9) 12:00etatik aurrera, indiar jatorrizko Gurinder Chadha zuzendariaren "Quiero ser como Beckahm" filma ikusteko aukera egongo da Leioako EHUko campuseko Areto Nagusian. Lana Erresuma Batuan ekoiztua izan zen 2002an. Izan ere, Londresen bizi da Chadha eta filmaren gidoia ere berak egindakoa da, Guljit Bindra senarrak eta Paul Mayeda Bergesek lagundu zioten idazten. Lehen aipaturiko urtean, Locarnoko Zinemaldian (Italia) ikusleen saria jaso zuen. Bestalde, esan behar da BBCko erreportari bezala lanean hasi zen Chadhak beste hainbat luzemetraien egilea dela: “Bhaji on the beach” eta “What´s cooking?”, besteak beste. Biharko emanaldia dohainik da joan nahi duten guztientzat.
Ingalaterran dagoen futbol zaletasun bizia eta indiar jatorrizko familia baten eguneroko ohiturak talka egiten dute filman. Alabetako batek, Jessek hamazortzi urte ditu, eta haren gurasoak neska indiar xarmangarri eta "behar den modukoa" izatea gura dute. Alabaina, Jessek gauza bakarra nahi du: futbolean jokatu eta bere heroia bezalakoa izan, hots, David Beckhan Manchester United-eko (gaur egun Real Madrilen) izarren modukoa. Baina gurasoek ez dute ulertzen zergatik ez den lasaitzen, zergatik ez duen zuzenbidea ikasi nahi eta zergatik ez duen gura sukaldean ibiltzen ikasi. Zelan aurkituko du, ba, mutila, soinekorik ere janzten ez badu?
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun