Getxoko Udaleko Berdintasun Arloak egindako deialdiarekin bat eginez, dozenaka emakume elkartu dira goizean Algortako Getxo Antzoki parean, 20 metro koadro inguruko horma-irudia margozten laguntzeko. Patirke Arenillas da horren egitea eta berak zuzendu ditu lanak. Bere hitzetan, "Noeren arka bailitzan", ilargia eskuetan daukan andra "serio eta duina" ikus daiteke margolanean. "Mundu berri batean lehorreratzeko, emakume guztiok igo gintezkeen ontzia irudikatu nahi izan dut", Arenillasek adierazi duenez.
Ekimenerako aurkeztutako lau diseinuen artean aukeratu dute Patirke Arenillasen margoa. Hain zuzen ere, horma-irudiak islatzen duen "positibismoa" azpimarratzen du egileak: "kolore alaiak eta ikusgarriak erabili ditut; oso lauak, denbora gutxian margoztu behar direlako eta hainbat eskuk lagunduta. Berde pistatxo eta more kolodeak dira nagusiak".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun