Gainera, atzo bertan auzokideekin izan zuten batzarra gaztetxeko kideek, euren egitasmoak, eraikinaren egoera eta bertan burutzen ari diren lanak zuzenean azaltzeko. Aipatu bilera etxez etxe banatutako gutunen bidez deitu zuten Itzubaltzetako kideek. Gazteak konponketa lanetan dabiltza eraikinean sartu zirenetik. Azken egunotan oholtza eta ate berria jarri eta bigarren solairuan egongo den Getxoko Hacklab-eko informatika gelan leihoan jarri dituzte.
Aipatzekoa baita, euria egiten duenean putzuak atera ez daitezen, adreilu, azulejo, teila eta beste hainbat materialetako zatiak botatzen dituzte bertako auzokideek kalean zehar dauden zuloetan. Horrela egin izan dute kristaldegia aurrean eta gaztetxekoak ere sistema hori erabiltzen hasi dira, "Udalak ez duelako pasabidea konpontzen". Hortaz, txindorrez beteta egon ohi da Errekagane, zati batzuetan, baina hondakin hauek ez datoz teilatutik eta, beraz, inolako arriskurik gabekoak dira. Bestalde, haroztegi zaharretik hainbat zarama, egur eta mkineria tona atera dute Itzubaltzeta gaztetzeko kideek, Cespako kamioetan edota horretarako propio alokatutako edukinontzien bidez, azpiegiturak jasaten zuen zama arinduz.
'Skate' pista
Gaur egun Mesedeetako parkinaren alboan dagoen "skate" pista pabilioiak dauden tokira mugitzea eskatu du Getxoko PPk. "Batik-bat errekaren bestaldean Gobela kiroldegi berria zabalduko dutelako laster eta Errekagane kalearen egoera azpiegitura berriekin kontrastea egiten duelako", Marisa Arrue zinegotzi popularraren esanetan.
Berak azaldutakoaren arabera, Hirigintza Antolamendurako Plan Orokorrak (HAPO) ekipamenduak jartzeko lurratzat hartzen du eremua, "hortaz ez litzateke zaila izan beharko egitasmoa aurrera ateratzea", Arrueren ustez. Hirigintza Batzordeak aintzat hartzen ez badu, eskaera martxoko osoko bilkuran aurkeztuko dutela iragarri du.
Itzubaltzeta gaztetxea bota eta 'skate' pista bertara mugitzea eskatu du Getxoko PPk
Errekagane kaleko pabilioiak botatzea planteatuko dio biltzeke dagoen Tokiko Hirigintza Batzordeari Marisa Arrue Getxoko PPko bozeramaileak. Besteak beste, Itzubaltzeta gaztetxea, andra edadetu baten etxea, Izenik Ez musika taldearen entsegu-lokala, kristaldegia eta hainbat lonjak dute lekua bertan. Inguru horrek "segurtasun eta itxura gutxieneko baldintzak" ez dituela betetzen argudiatu du zinegotzi popularrak eskaera egiteko. Baita "ugariak" izan direla auzotarren kexak, "txindor, teila eta teilatu-hegal zatiak erortzen direnez, arriskutsua delako bertatik igarotzea" ere. UKBERRIk jakin duenez, orain hamar bat egun auzokide baten gutuna argitaratu zuen –argazkia eta guzti– El Correo Español kazetak non orain PPk salatzen duena aipatzen zuen. Hala ere, Itzubaltzeta gaztetxeko kideek Bilboko egunkarian adierazitakoa gezurtatu eta "urte luzeetan ingurua utzita egon den bitartean" ezer ez esatea eta orain, gaztetxea bertan dagoela, horrelakoak plazaratzea "susmagarritzat" jo zuten bere garaian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun