"HAPO aldatuz, Lamiakoko garapena burutu nahi dugu etxebizitza bloke guztiak itxura berbera izan dezaten", azaldu du Sainz de la Mazak. "Guardia Zibilaren etxea" deritzon eraikin erdiaren jabea da Leioako Udala. Bertan udal ekipamendu ugari dago. Beste erdia, berriz, hiru familietako etxeek eta gizarte eta ekonomia hainbat jarduetarako lokalek osatzen dute. Azken horiek ere tokiz aldatuko dituzte.
San Bartolomen bi eraikin
Ez da lehenengo aldia Leioako auzo bakoitzean aplikatu beharreko Hirigintza Antolamendurako Plan Orokorrean (HAPO) aldaketarik egiten dena. Bizkaiko Foru Aldundiak behin betiko onetsi zuen, orain dela gutxi, Leioako Udalak San Bartolome historikoa izeneko eremurako proposatutako aldaketa. Izan ere, erakunde horren oneritzia behar zuen tokiko erakundeak Bizkaia Zaharren Egoitza eta Oblatuen Eliza etxebizitza eraikin banarekin ordezkatzeko.
Gehienez 40 pisu eta aparkalekua izango ditu bakoitzak, eta dagoen etxeen antzeko tipologia ere bai. Horretaz gain, hirigintzako eragiketa horri esker, oinezkoentzako ibilbidea egin ahal izango da Loretegi multzoaren aurrean dagoen gaur egungo plaza eta baseliza eta San Bartolome Auzo Etxea dagoen parkearen artean. Auzotarrek hainbeste estimatzen duten gune berezi horren azalera bi mila metro koadro baino gehiagoan handituko da, herritarrek erabiltzeko urbanizatuko dena. Era berean, Kultur Aretoa hartzen duen eraikina birmoldatu eta handitzea ere pentsatu da. Halaber, karrejoa berriro kokatu eta berreraikitzea ere proposatu da. Azkenik, beste eliza bat eraikitzeko beharrezko lurzorua gordetzea ere pentsatu du Udalak.
Lamiakoko 'Guardia Zibilen etxea' dagoen tokian etxebizitzak egingo dituzte
2005ko mar. 10a, 22:22
Hirigintza Antolamendurako Plan Orokorrean (HAPO) aldaketa egitea onartu du behin behinekoz Leioako Udalak, Langileria kaleko 180. atarian dagoen eraikin zaharra –"Guardia Zibilaren etxea" izengoitiarekin ezaguna– bota eta, bere lekuan, hamabi etxebizitzetako blokea egiteko. Bertan bizi diren hiru familiei etxe berria emango diete "seguru asko", batik-bat, Lamiako Biziberritu eta Eraberritzeko Plan Nagusiaren (BEPN) barruan "aurrikusita" daudelako jada etxebizitza aldaketa neurriak, udal arduradunek zehaztu dutenez. Horren harira, "hitzarmena gauzatzeko lanetan" dabiltza oraindik, Karmelo Sáinz de la Maza alkateak adierazi eta Deiak jasotakoaren arabera. "Hiri-estetika zaindu beharra" argudiatu dute eraikina botatzeko. (Argazkian, Lamiako airetik ikusita).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun