Eta hain justu euskara zabaltzeko konpromisoa hartu zuen AEK-ko irakasle talde batek hartu du Korrika 14ren lehenengo lekua: orain dela 25 urte Pirinioetan sortu zen lehenengo AEKren eskolan euskara eskolak ematen hasi zen irakasle taldeak.
Hasiera ekitaldiari dagokionez, antolatzaileek adierazi dutenez, Gasteizkoaz gainera, Korrikaren hasierarik jendetsuena izan da. Iparraldetik ere jende asko hurbildu da Orreagara. Gainera, eguraldia lagun hasi du Korrika 14k bidea. Elurrez inguratutako ibilbidean zehar hasi da Korrika, baina zeru urdin-urdinarekin.
Ostiral honetan Iparraldera iritsiko da Korrika. Hauxe izango da ibilbidea: Donibane Garazi (07:04) , Maule (11:30), Donapaleu (14:19), Hazparne (17:41), Kanbo (18:33), Uztaritze (19:31), Baiona (21:02), Miarritze (23:12), D.Lohitzune (01:22), Senpere (03:26).
Euskal Herria euskalduntzen aldarrikatuz ekin dio bideari Korrika 14k Mikel Aldasoro AEKren Nafarroako arduradunak hasiera ekitaldian adierazi duenez, “euskara ikasi eta irakatsi behar dugu euskararen alde zerbait eraginkorra egin nahi badugu”. Martxelo Otamendik aurreko korrikan irakurri zuen mezua gogoratuz hasi du bere diskurtsoa Mikel Aldasoro AEKren Nafarroako arduradunak, norbanakoaren konpromisoari dei eginez. Horixe da Korrika 14k aldarrikatu nahi duena, norbanakoaren konpromisoa, eta zentzu horretan “ euskararen etorkizunean helduek euskara ikasteak sekulako garrantzia” dutela azpimarratu du. Eurei zuzendu zaie Aldasorok kontzientziak zabaltzeko eskaria eginez eta “Korrika 14ren lekukoa, euskara ikasi eta zabaltzeko guztion eta bakoitzaren konpromisoaren lekukoa´ dela gehitu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun