Dei batek Asuako errepidean istilu bat zegoela ohartarazita, bertara abiatu ziren udaltzainak eta gazte bilbotarra atxilotu zuten, ondoren, Adin Txikikoen Fiskaltzaren esku utziz. Anbulantzia batek Gurutzetako erietxera eraman zuen gazte getxoztarra eta zauriak sendatu ondoren etxera itzuli zen.
Bestalde, arratsaldeko azken orduetan, I.M.E. 20 urteko Leioako auzokidea identifikatu zuen Getxoko Udaltzaingoak, Areetako Mesedetako kaleko supermerkatu batetik zenbait gauza lapurtu eta jakaren azpian izkutatu ondoren. Gau eta Eguneko Epaitegia jakinaren gainean jarri dute epaiketa arina egin diezaiotela.
Adin txikiko bat atxilotu dute gazte bati lapurtzeko asmoz hura labanez zauritzeagatik
Getxoko Udaltzaingoak Bilboko 15 urteko auzokidea atxilotu zuen atzo, 19 urteko getxoztar bati indarrez lapurtzen saiatzeagatik. Gertaera, astearte goizean, 10:40an izan zen. Adin txikikoa biktimarengana hurbildu eta sakeleko telefonoa eskatu zion dei bat egiteko. Horri lapurtzeko aitzakia besterik ez zen, polizia iturrien arabera. Izan ere, ezetz erantzun zionean zeraman guztia emateko eskatu zion zakarki gazte getxoztarrari lapurrak. Berriro ere ezetz erantzun zionean gainera joan zitzaion mutil bilbotarra. Nahiz eta gainetik kentzen saiatu, erasotzaileak laban bat atera eta birritan zauritu zuen beso batean eta ezkerreko aldean, labana apurtuz. Jarraian ukabilkada bat eman zion sudurrean eta gertu zegoen zuhaitz bateko adar batekin kolpeak eman zizkion.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun