Banatuko diren informazio-orrietan, alde batean, birziklatutako materialekin egiten denari eta hauekin lortutako onurak eta energi aurrezpenari buruzko datu nagusiak ematen dira; eta beste aldean, antzara joko berezia eskaintzen zaie etxeko gaztetxoenei, “birziklatu ahal izateko materiale ezberdinak bereizten lagundu behar dutela” gogorarazten diena. Udalerriko ikastetxeetan ere banatuko den eskuorrian, Getxoko Udalak zein enpresekin egiten duen lan, birziklatzeke dauden materialeek jarraitzen duten prozesua, materiale bakoitzeko edukiontzi kopurua eta birziklatze prozesu zuzen bat lortzeko jarrera egokienak zehazten dira, besteak beste.
Material ezberdinen (papera eta kartoia, beira, ontziak, pilak, fluoreszenteak, ehun-gaiak, botikak...) birziklapena sustatzeko asmoz, herritarrak informatu eta kontzientziatzeko kanpaina berri bat abian jarri du Getxoko Udaleko Ingurumen Arloak. Datozen egunotan 30.000 eskuorri inguru banatuko dira etxebizitza getxoztarretan, Lagun gaitzazu birziklatzen lelopean. “Kanpaina berri honekin birziklapenean eta ingurumenaren zaintzan nahastu nahi ditugu herritar guztiak, txikienetatik hasi eta hauen gurasoengana iritsi arte, bereziki bi gai azpimarratuz: hondakin birziklagarriak nora eramaten diren eta eurekin zer egiten den”, asteazken honetan bertan emandako prentsaurrekoan, Fernando Burzako Ingurumen zinegotziak aipatu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun