Txikitan ama eta aitarekin irtetzen nintzen Erromora Korrika ikustera. Urteen poderioz gero eta jende gehiago hurbildu da errepide ertzera euskara bultzatzeko. Behintzat badirudi belaunaldi erreleboa heldu dela, eta gero eta gaztetxu gehiago ikusten da Korrikan.
Aurten euskaldunberriak omenduko dituzte. Meritu handia daukate! Nik zortea eduki dut aita euskaldunzaharra delako eta ikastolara joan naizelako, baina zorte hori ez dutenak eduki? Guraso asko eta asko ematen dute izena AEKn beraien seme-alabekin hitz egin nahi dutelako euskaraz, euskaraz bizi. Nire gelan guraso gutxik zekiten euskaraz, bost edo askoz jota. Baina batzuk ekin zioten euskara ikasteari eta gaur egun oso ondo hitz egiten dute.
Ni ere bai! leloa aukeratu dute. Gure seme-alabek bai, auzokoak bai, irakasleek bai, baina gu ere bai euskaraz egin behar dugu.
Ni ere bai! Zuk zergatik ez?
P.D: Oskorriren kantu ezagun bat gogora ekarrita: “… ez al dakizu euskara dela euskaldun egiten gaituela?”
Ni ere bai! - Nahikari Ayo / Bertsolaritza irakaslea
2005ko mar. 16a, 21:55
Ostegunean hasi zen 14.Korrika Euskal Herria zeharkatzen. Nork esango zien lehen Korrika egin zutenei bi urtero euskararen maratoiak hainbesterainoko arrakasta edukitzera helduko zenik? Harrigarria! Orreagan eman zitzaion hasiera jai giroan eta martxoaren 20an helduko da Bilbora.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun