Operazio honek, guztira, 3.326.011 euroko aurrekontua du, zeinetatik 626.011 euro lurzorua erosteko izango diren eta gainontzeko 2,7 milioi euroak pisuen eraikuntzarako. Etxebizitzak logela batekoak, bikoak eta hirukoak izango dira, mugikortasun arazoak dituztenentzat egokituak dauden hainbat etxe egingo dira ere bai.
Guztira 78 etxebizitza
Madrazok gogorarazi zuenaren arabera, lehenengo hitzarmena orain dela bi urte sinatu zen, metro geltokiaren inguruan 49 pisu eraikitzeko. Etxebizitza hauek eraikitzea erabaki den lurretan zegoen etxea bota ondoren, eraikitze obrak hemendik gutxira hasiko dira.
Etxebizitza guztiak 75 urtetako azalera eskubidean esleituko dira, eta ziurrena da aurten zozketatuak izatea, Etxebideren bitartez, zozketa horietan Sopela udalerrian erroldatuak daudenak lehentasuna izango dutelarik.
Vivesak gauzatuko ditu bi zonaldeen lanak: Uda baino lehenago hasi ahalko dira, udal arduradunen hitzetan, urbanizazio obrak bukatu ondoren. Zaldu zonaldeko etxebizitzen giltza entregatzea bi urte barrurako aurreikusten da.
Javier Madrazo Eusko Jaurlaritzako Etxebizitza eta Gizarte Gaietako sailburuak eta Imanol Garai Sopelako alkateak udalerri horretan babes ofizialeko etxebizitzak egiteko bigarren hitzarmena sinatu zuten asteartean. Akordio horren bidez, 29 pisu eraikiko dira Zaldu zonaldean, Sipiri Kaleko enparantzatik gertu. Bakoitzak 90 metro koadro izango du, garaje eta trastelekuarekin eta salneurria, gutxi gora behera, 114.192 eurokoa izango da. Udal liburutegi berria eta kultura esparruko beste eremu batzuk ere egingo dituztre inguruan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun