Erromoko Topaguneak herri horretako hainbat kolektibori emandako gutunaren arabera, baraua datorren asteazkenaren 24:00ak arte luzatuko da. Barauaren helburuak Gonzalo eta Etxegarairi elkartasuna adieraztea, EPPKren borrokarekin "bat egitea", eta topagunearen izaera bateratu bat eta aurrera begirako pausuak zehaztea dira.
Barauaren egitaraua
Astelehena 21:
00:00etan, gose greba hasi.
09:00etan, kultur etxean bilera.
13:00etan, kontzentrazioa Xake plazan.
19:30ean, hitzaldia kultur etxean, Mitxel Sarasketa eta Edorta Saiz Lobato (Algorta eta Legutioko preso ohiak).
Asteartea 22:
13:00etan, kontzentrazioa Bizkaiko Zubian.
17:00etatik 19:30era, esku-orri banaketa.
20:00etan, bideo emanaldia kultur etxean.
Asteazkena 23:
13:00etan, jende katea Kolas plazatik hasita.
19:30ean asanblada kultur etxean.
00:00etan, baraua amaitu.
EPPKren eskaerak
Oinarrizko eskubideak: isolamenduari, bakartzeari eta jipoiei ez; gaixo dauden presoen etxeratzea; baldintzapeko askatasuna; ikasteko eskubidea; komunikazio murrizketei ez; hizkuntza eskubideak.
Eskubide politikoak: elkartzeko eskubidea, mintzakidetzaren aitortza, Kolektiboak bere burua antolatzeko eskubidea, Kolektibo gisa gainontzeko eragile politikoekin harremantzeko eskubidea, euskal eztabaida eta erabaki guneetan parte hartzeko eskubidea.
Iragan den martxoaren 15etik aurrera Euskal Preso Politikoen Kolektiboak (EPPK) gose greba mugagabe bati ekin zion, urtarrilaren 3an txandakako protestaldiei jarraipena emateko. Gaur goizean, Iñaki Gonzalo "Kitxu" eta Martin Etxegarari bertako presoekin elkartasunean lau pertsonak hiru eguneko baraua hasi dute Erromo / Itzubaltzetako kultur etxean. Getxoko Udaleko pertsonal-buruak jakinarazi duenez, aipatu pertsonek ez daukate inolako baimenik okupatu duten gelan egoteko, baina, "momentuz" Udalak baztertu du handik kanporatzea. Bitartean, udaltzainek barauan dauden bi kide identifikatu dituzte. Barauan zehar hainbat ekitaldi antolatu dituzte sortu berria den Erromoko Topaguneko kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun