Udal hilerriaren gaur egungo beharrak ikusita, udal zerbitzu teknikoek aurreproiektu bat egin dute. Hemendik aurrera, zabaltze lanak egingo dituen enpresak betebehar horiek guztiak zehaztu beharko ditu. Iñaki Zarraoa alkatearen esanetan “eraikuntza txiki bat da, lurpeko gune batekin –bertan gorpu gehiago lurperatu ahal izateko–. Bertan, eta behin betiko proiektua izan arte, 604 nitxo eta 1.620 hezurhobi berri egin litezke". Era horretan, sarreran dauden bi orubetan hilobi gehiago eraikitzeko proiektu berri bati aurre egin ahal izango diote.
Lanetan atzerapenik ez badago, Getxoko hilerriko zabalkuntza lanak 2006ko udarako bukatuta egongo lirateke. Horretarako aurrekontua 18.000 eurokoa da.
Getxok udal hilerria handituko du 600 nitxo eta 1.600 bat hezurhobi berri eraikiz, gaur goizean Iñaki Zarraoa Getxoko alkateak prentsaurrean adierazi duenez. Zabalkuntza lanak hilerriko goi aldeko ezkerraldean dagoen orube batean egingo dira, hala nola, sarreraren ezkerraldean, egun lur emanda gorpuzki daudela. Leku bi horietan gorpuzkiak lurperatzeko leku aproposagoak egingo dira, Zarraoaren esanetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun