Aurreko edizioetan sarituak izan ez diren talde guztiek har dezakete parte. Aipatu bezala, bi modalitate izango dira: Pop Rock (rock and roll, power pop, garage, psikodelia, rock, ska, reggae, punk rock, stoner rock, post rock, noise, pop, rhythm and blues, tecno pop, hip hop, rap eta beste konbinazioak) eta Metal (rock gogorra, heavy metal, trash, speed metal, death, doom, metal gotikoa, industrial, AOR, hardcore, rap metatlikoa eta beste konbinazioak).
Sariak
Modalitate bakoitzeko irabazleak 1.800 euro jasoko ditu, eta bi irabazleen artean banda onena hautatuko da. CD bat grabatu eta editatzeko aukera emango zaio horri. Talde irabazlearen CDaren 500 kopia egingo dira; 100 antolakuntzarentzat izango dira, eta musika profesionalen artean banatuko dira; gainontzeko 400 kopiak taldearentzat izango dira.
Euskara Zerbitzuak, berriz, sari berezia emango dio euskarazko kantu onena aurkezten duen taldeari, eta irabazleak 600 euro jasoko ditu. Bi talde irabazleen artean, Aterpe Gazte Bulegoa sari berezia ere banatuko da; irabazleak talde handi batekin jotzeko aukera izango du, ekainaren 18an, Leioako jaietan.
Epaimahaia musika munduaren eta prentsa eta irratiako profesionalek, eta Leioako Udalak izendaturiko teknikariek osatuko dute. Epaimahaiak sariak ez ematea erabaki dezake, egoki ikusten badu.
Bostgarren urtez, Leioako Udala Pop Rock Lehiaketa abian jarri du Aterpe Gazte Bulegoak. Bi modalitate egongo dira: Pop Rock eta Metal. Aurkeztutako CDak edo maketak bost abesti izan behar ditu gutxienez, eta apirilaren 29a baino lehen bidali beharko dira Jose Ramon Aketxe kaleko egoitzara, 11. atariko 1. solairura. Horrekin batera, taldearen izena eta kide bakoitzaren datuak aurkeztu behar dira (izenak eta abizenak, telefonoa, posta-elektronikoa eta helbidea). Lehenengo fasean, epaimahaiak modalitate bakoitzeko hiru talde onenak aukeratuko ditu. Talde hauek finaletara igaroko dira, maiatzean eta ekainean antolakuntzak ezarriko duen tokian egingo direnak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun