Xabier Galdeanoren oroimena oso bizirik dago Algortan bera ezagutu zutenen artean. Bere izena aipatzea nahikoa da utzi duen oroimenaren goxoa nabaritzeko. Galdeanoren biografia, berari buruzko artikuluak eta argazkiak hemen daude.
Xabierren konpromisoa gogoratuz, gaur eguneko egoerara etorrita, bi kontu gogoratu nahi ditugu: Batasunak hausteskundeetan parte hartzea ez izateak konponbide demokratikoaren aldera dakartzan ondorioak eta Euskal Preso Politikoen Kolektiboak estatus politikoaren alde egiten ari diren gose greba.
Xabier, zure irriparretik sortzen zaigu gure indarra.
Oihua
Omenaldia martxoaren 30ean (asteazkena) egingo da Algortako Telletxe plazan, metroko geltokiaren aurrean, 20:00etan. Xabier Galdeano duela 20 urte hil zuten, 1985eko martxoaren 30ean, 51 urte zituenean, Donibane-Lohitzunen. Espainiako Gobernuak Euskal Herriaren askatze prozesoari aurre egiteko bere momentuan antolatutako GAL izeneko taldeak hartu zuen bere gain Xabier Galdeanoren hilketa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun