Erregularizazio prozesua hasi zenetik, ia mila etorkinek eskatu dute erroldatze-ziurtagiria Getxon

Erabiltzailearen aurpegia
Espainiako Gobernuaren Atzerritarren Lege berriaren babespean, joan den otsailaren 7an etorkinen egoera arautzeko prozesua ireki zenetik, 978 erroldatze-ziurtagiri bideratu ditu Getxoko Udalak. Herritarren arretarako hiru bulegoetara eta udaletxera bertara jo dute etorkinek, agiri horren izapideak egiteko. Gehien bat latinoamerikarrak izan dira bertara hurbildutakoak; Bolivia, Kolonbia eta Ekuadorren sortutakoak bereziki. Errumaniatik etorritako talde batek eta Txina, Filipinak, Georgia eta beste hainbat tokitatik etorritako banaka batzuek ere eskatu dute euren egoera arautzeko beharrezkoa den agiria.
Datu hauek guztiak bat datoz udal getxoztarrak eskuartean zituen informazioekin. “Profila bat dator ezagutzen genuenarekin: hegoamerikar jatorrizko etorkin kopuruaren igoera, Afrikatik datozen etorkinak gutxitu diren bitartean. Batez ere emakumezkoak dira, adin nagusikoak gainera”, adierazi du asteazken honetan goizean emandako prentsaurrekoan Iñaki Zarraoa Getxoko alkateak.

Izapideak egin dituzten pertsonen bataz besteko adina 33 urtekoa da, hau da, lan egiteko edadean bete-betean dauden lagunak. Zentzu honetan, garrantzitsua da azpimarratzea 2005eko erregularizazio prozesuak lan kontratu bat edukitzea eskatzen duela baimena lortu ahal izateko.

Hutsuneak datuetan

Erregularizazio prozesua hasi dutenen kopuruari dagokionez, ezin daiteke ziurtasun osoz esan guztira zenbat diren, Zarraoak aitortu duenez. "Kontuan hartzekoa da Udalak dituen zenbakietatik etorkinen zati haundi bat nazionalitate komunitarioa duela (%20 inguru). Horretaz gain, Europako Batasunetik kanpoko atzerritarren gehiengoa lanean ari bada ere, ezin daiteke ahaztu lan egiteko edadean ez dauden adin txikikoak eta 65 urtetik gorakoak ere daudela", azaldu du udal agintariak.

Lan egoera honez gero zenbatek duen erregulatuta ere ez da ezagutzen. Dena den, 978 eskabide aurkeztu izana "oso interesgarritzat" jo du Zarraoak, "lan egiteko adinean dauden etorkin askok beren egoera erregulatzeko izapideak hasi nahi dutenaren adierazgarri delako".

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun