EAEko Legebiltzarrarako hauteskundeen hasierarako hamar bat ordu falta zirenean, arratsaldeko 2ak aldera, Cervantes plazako horma batean "Orain Batasuna" leloko pintada berri baten ondoan zeudela Ertzaintzako kamuflaje auto bat hurbildu zaie Itzubaltzeta / Erromoko ezker abertzaleko bi gazteri. Horietako batek aurrekariak ditu 2001eko hauteskundeetan Haikaren ilegalizazioa salatzen zuten kartel batzuk Carlos Iturgaizi erakusteagatik, epaiketa ailegatu zenean fiskalarekin akordio batera heldu baitzen.
Lehenengo kotxearen ostean pixkanaka, pixkanaka beste sei polizi-auto hurbildu dira gazteengana. Identifikatzeko eskatu dute ertzainek baina gazteek ateratako EHNAk ez dituzte onartu eta Espainiako Nazio Agiriak hartu dituzte. Ondoren argazkiak atera dizkiote etxeko hormari eta margoak eraman dituzte ertzainek.
Operazioak emandako ordubetean Cervantes plazako leihoak beteta egon dira eta arretaz jarraitu dute xehaztasun guztiak plazan ziren auzokideek. Bat izan ezik, kotxea apur bat lehenago lapurtu diote eta kexaka aritu da hainbeste polizia horrelako kontuetan egoteagatik, bere autoa bilatzen ibiltzearen ordez.
Zazpi polizi-auto erabili dituzte Pinuetan bi gazte identifikatzeko Batasuneko pintada bat egin dutelakoan
Leioako Udaleko Pinueta auzoko Cervantes plazan "Orain Batasuna" horma osoko pintada ustez egiten ari zirela Itzubaltzeta / Erromoko bi gazte geldiarazi eta identifikatu ditu Ertzaintzak. Polizia operazioan dozena bat agentek parte hartu dute, ertzainak zein Leioako udaltzainak, uniformatuta zein kalez jantzitakoak, zazpi auto erabiliz. Gazteak ordu batez atxiki ostean, "jabegoaren kontrako hutsegitea" egiteagatik erdara hutsezko salaketa eman diete ertzainek. Trukean, ezker abertzalekoek zeukaten margoa eraman dute Erandioko ertzain etxera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun