Horrekin batera, "gizarteko edozein gizabanako zein iritzi-kolektibori hautagai izateko eskubidea ezabatzeko, Espainiako Gobernuko agintarien aldetik iragarri den asmoa" salatu nahi dute, baita aipatu "mehatxua praktikara eraman ez dadin" exijitu ere.
Gorka Garciari elkartasuna
Gorka Garcia Sertutxa 'Patas' (Algorta) euskal preso politikoak urteak egingo ditu larunbat honetan, apirilaren 2an. Azken aldian komunikabideetan agertu da bere izena, Aukera Guztiak hauteskundeetan aurkezten ez uzteko bisita batean egindako ustezko elkarrizketa bati lotuta. Hori dela eta, postal, gutun edo zerbait bidaltzeko aukera ona dela uste du Algortako Amnistiaren Aldeko Mugimenduak, urteak zoriontzeaz gain, horri elkartasuna adierazteko.
Gaien inguruko berriak:
Eskubide zibil eta politikoen aldeko agiria sustatzen ari dira Algortan eta Getxon (2005 Mar 30)
Eskubide demokratikoen errespetua; ilegalizaziorik ez (2005 Mar 30)
Elkartasuna Eli Zubiaga eta Jorge Garciarekin (2005 Mar 21)
"Amnistiaren Aldeko Mugimendutik garbi daukagu ilegalizazioaren aurrean eta konponbide bati begira, edozein aukera politikoaren aurretik, Batasunak eta herritar guztiek hauteskudeetan agertzeko duten eskubidea defenditu beharra dagoela", hitz horiek erabiliz eman dio atxikimendua Algortako errepresioaren kontrako erakundeak, Eskubide Zibil eta Politikoen aldeko Algorta eta Getxoko Ekimenak, asteazken honetan bertan, ezagutzera emandako eskubide demokratikoen aldeko manifestuari. "Eskubide demokratikoen errespetua; ilegalizaziorik ez” izenburupean, apirilaren 17ko hauteskunde autonomikoetan parte hartzeko eskubidea herritar guztiei dagokiela aldarrikatu nahi dute horren bidez, "oinarrizko eskubide demokratiko unibertsala baita". Eta, bide horretan, kultura, kirola edo gizarte arloan ezagunak diren hainbat lagunek bat egin dute agiriarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun