Horren aurretik, Udalak informazio kanpaina jarriko du martxan toki horietariko bat lortzerik daukaten bizilagunei zuzenduta. Hasiera batean, Getxo udalerrian erroldatuta egon eta inguruan bizi beharko dute: Plentzia Hirian, "Viviendas de Vizcaya" delakoetan... Eskaera epea bukatutakoan, aparkatzeko tokiak geratuko balira, horiek emateko beste prozedura bat jarriko litzateke indarrean. Iñaki Zarraoa Getxoko alkateak aurreratutakoaren arabera, “zerbitzu honen enpresa esleipendunak merkaturatutako toki bakoitzaren %5,20ko partaidetza lortuko du”.
Mesedeetako Ama kaleko parking garestiago
Orain lau hilabete eskas zabaldutako Areetako "Las Mercedes" lurrazpiko aparkalekuko tarifak aldatzea onartu zuen Getxoko udalbatzak martxoaren 23an egindako osoko bilkuran. Hemendik aurrera, 919,95 euroko prezioa izango du urteko abonuak, 83,05 euro hilabetekoak eta 11,82 euro egunekoak; aurretik 891,42 euro, 80,47 euro eta 11,45 euro balio zuten bitartean, hurrenez hurren.
Gobela kiroldegian aparkatzeko tokia nahi dutenek maiatza aurretik eskatu beharko dute
Gobela kiroldegiko lurpeko aparkalekuen salmenta lanak egiteko kontratua “Construcciones Olabarri” enpresari eman dio Getxoko Udalak. Areetako Santa Ana aldean babes ofizialeko etxebizitzak eraikitzeaz arduratuko den berbera. Inguruan bizi diren auzotarrei zuzenduta dauden 287 toki dira guztira eta bakoitzaren salneurria 12.500 eurokoa izango da, BEZa barne. Emakida 25 urtekoa izango da, luzatzeko aukera egongo delarik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun