Bidean da Algorta-Alangoko osasun etxea

Erabiltzailearen aurpegia
Eusko Jaurlaritzako Osasun Sailari Alango aldeko 3.000 metro koadroko orubea uztea erabaki du, orain astebete, Getxoko udalbatzak, bertan osasun etxe berria eraiki ahal izateko. Dagoeneko beste bi instalazio baditu Getxo udalerrian Osakidetzak, bata Areetan, eta bestea, Algorta eta Getxo arteko Bidezabal aldean. Hirugarren horrekin, Algortako erdigune eta goikaldeko eta Neguri eta Aiboako 20.000 mila bat auzotarrei eskaini nahi zaie osasun zerbitzua.
Administrazioaz eta kudeaketaz arduratuko direz langileez gain, bederatzi familiako mediku hiru pediatra egongo dira bertan, beste horrenbeste erizainek lagunduta. Mediku bakoitzarentzako gaixo kopuruari dagokionez Osakidetzak ontzat ematen duen neurria beteko da horrela, 2.100 paziente sendagile bakoitzeko, alegia.

Osasun etxea egiten hasteko epeei dagokionez, eraikuntza proiektua aurkeztu gabe dago oraindik. "Hori egindakoan, lanetarako lehiaketa deitu da horiek esleitzeko. Horri begiratuta, ez dakit aurten edo datorren urtean hasiko diren", azaldu du Iñaki Zarraoa Getxoko alkateak. Getxoko Udalak 50 urtetan eman dio lursaila erabiltzeko eskubidea Osasun Sailari.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun