Horretaz gain, apirilaren 15 eta 22rako, Hiru Truku eta Benito Lertxundiren emanaldiak antolatu dituzte, hurrenez hurren. Asteburu honetakoa bezala, Kultur Leioako auditorioan, 20:30ean izango dira bi kontzertu horiek. Hala ere, azkenekorako sarrera pizka bat garestiagoa izango da: 12 euro. Hilaren 11tik 17ra bitartean, berriz, Euskal Zinearen Astea egingo dute.
Bide Ertzean
Bide Ertzean taldeak "Esan bare" diskorik berriena aurkezten jarraituko du datozen hilabeteetan. Udazkenerako prestaturik zeukan aurkezpen birak arrakasta handia izan du. Bederatzi jaialdi hunkigarri eskaini ostean, negu zein udaberri partean eskeiniko dituen kontzertuak prestatzen dihardu orain. Pop kutsuko doinukera elektro-akustikoa, lirika propio zein idazle ezagunena (K. Uribe, J.L. Otamendi, M. Ibarguren) eta inoizko kantu zainduenak dira bi urteko atsedenaren emaitza.
Bai Leioan, bai Kultur Leioak antolatzen dituen ekintzetan euskarak garrantzi handia dauka, bertoko udal arduradunek aipatzen dutenez. Hori dela eta, "Apirila Euskeraz Blai" lelopean bultzadatxoa eman nahi diote gure hizkuntzari, "euskara arlo ezberdinetan erabili eta gozatzeko: musika, antzerkia, zinea, hitzaldiak eta beste hainbat esparrutan". Hortaz, apirileko egitasmoak euskal kutsu nabaria izango du, "hizkuntzaren normalizazioan laguntzeko asmoz". Adin guztietarako ekitaldiak egongo dira, haurrentzat, gazteentzat eta hain gazteak ez direnentzat. Ekintza horietako lehena Bide Ertzean taldeak ostiral honetako 20:30ean eskainiko duen kontzertua da. Kultur Leioako auditorioan izango da emanaldia eta 8 eurotan daude sarrerak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun