PSE-EEren egoitzari eraso egin diote Sopelan
2005ko api. 2a, 18:28
Goizaldean, PSE-EEk Sopelako Lizarre kalean duen egoitzari eraso egin diote ezezagunek. lehergailuaren bitartez. Gertaera 00:50ak aldera gertatu da. Itxura denez, lokaleko pertsiana indarrez ireki eta barnean etxean egindako lehergailua sartu dute, Ertzaintzak jakinarazi duenez. Horrek eztanda egitean sute txikia eragin du. Egoitza dagoen eraikineko auzokoek itzali dituzte sugarrak baina ez dituzte etxeetatik atera behar izan. Leherketak pertsianan eta sarrerako atean eragin ditu kalteak.Lehenengo hipotesien arabera, likido sukoiez, gasolina seguru asko, betetako plastikozko botilak eta hiru kanpin-gas botilek osatzen omen zuten lehergailua, "hura eztandarazteko petardoa edo metxa gehituta", Ertzaintzaren arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun