Pastorrek salatu duenez, "hori da hauteskunde kanpainan agertzeko faxismoak duen modua, bertan jarraitzen dutela adierazteko alegia. Eta, bide batez, herrialde honetan askatasunik gabe bizi garela gogoratzekoa, hain zuzen ere, ezberdin pentsatzen dugulako.
Bizkaiko PSE-EEko buruaren ustez, "ez dute bakarrik sozialistak kikildu nahi, euskal herritar guztiak baizik". Hori dela eta, erantzuna bozkatzeko egunean eman behar dela dio Pestorrek: "Hori da euskal herritar eta demokrata guztiek eman dezaketen erantzunik onena, jada 25 urtetan pairatzen ari garen eta gizarte demokratiko batean guztiz jasangaitza den jarrera hori gaitzestea alegia".
Gaiaren inguruko berriak:
PSE-EEren egoitzari eraso egin diote Sopelan
Sopelako egoitzaren aurkako erasoa gogor gaitzetsi du Jose Antonio Pastor Bizkaiko PSE-EEko buruak. "Horrelako gertaerei hilaren 17an eman beharko liokete erabateko erantzuna herritarrek; boto-txartela eskuan, ETAri zaplastekoa emanez eta desagertzeko eskatuz", adierazi du buruzagi sozialistak. Europa Press albiste agentziari azaldu dionez, egoitza horren kontra egindako "hirugarren edo laugarren erasoa" da goizaldekoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun