Correosetik adierazi dutenez, zerbitzu anitzak eskaintzeko zentroak izateko aldatzen ari dira prentsa-bulegoak, "bertan herritarrek zenbat eta gestio gehiago egiteko aukera izan dezaten". Bide horretan, dagoeneko paketatze produktuak eskura daude bertan, hurrenez hurren. Baita zorion-txartelak ere. Horretaz gain, edozein operadoretako telefono txartelean dirua sartu eta Endesa e Hidrocantábrico edo Telefónica elektrizitate konpainien erreziboak ordaintzeko aukera dago posta-bulegoetan.
Azkenik, otsailetik aurrera, dirua bidaltzeko zerbitzua abian dago, herritar eta enpresentzako. Correoseko edozein bulegotik egindako igorpenaren bidez, minutu gutxitan jaso ahal izango du dirua beste edozein posta-bulegotan dagoen lagunak.
Gaur hasita, astelehenetik ostiralera, 8:30etik 20:30era, eta larunbatetan, 9:30rtik 13:00etara egongo da zabalik Correosek Leioako Luis Bilbao Libano kaleko 11. atarian duen bulegoa. Prentsa ohar bidez azaldu dutenez, udalerriko auzotar eta enpresei posta-zerbitzua erabili ahal izateko erraztasunak eman nahi diete, eguerdian ordutegian etenaldirik egin gabe. "Horrela, postariak banaketa egiten duen orduetan etxetik kanpo dauden horiek ez dute larunbatera arte itxaron behar izango bidalketak jasotzeko", aipatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun