Beti ere Europa Pressek adierazten duenez, Ibarretxeren Gobernuak Getxorako hartutako erabakia kritikatu eta "beste udalerri batzuetara" zabalduko dela dirudiela ohartarazi du Arruek. "Daramaten kudeaketa kaskarra eta herritarren benetako arazoak konpontzeko gai ez direla agian geratu da berriz. Horrek gehituta esfortzua dakarkie familia langileei, euren bizitzarako hain beharrezkoa den zerbitzurik gabe geldituko direlako", gaineratu du Getxoko PPko bozeramaileak.
Udalerrian dagoen eskaera bete dezala eskatu diezaiola Eusko Jaurlaritzari Getxoko Udalak, mozioa aurkeztu dute popularrek apirileko osoko bilkuran eztabaidatua izateko. Hezkuntza Sailak horrela egiten ez badu bera arduratzeko eskatzen diote Udal Gobernuari.
Haurtzaindegietarako bekak
Haurtzaindegietako beken egoera ere kritikatu du Getxoko PPk: "jakin badakigu orain Eusko Jaurlaritzaren ardura direla, Getxoko Udalarekin sinatutako hitzarmenari esker. Kultura eta Hezkuntza batzordeetan akordioaren nondik norakoak eta, horren arabera, eskaerak non geratuko liratekeen galdetu dugu behin eta berriro; baina oraindik, ez dakigu ezer".
Eusko Jaurlaritzatik etorritako "murrizketen" aurrean "txarrena" espero dutela dio Arruek. Hori dela eta, Udalak haurtzaindegietarako beketarako 10.000 euro gehiago ematea eta 0 eta 2 urte arteko haurrentzako plaza guztiak betetzea "beharrezkotzat" jotzen du Getxoko PPk.
Eskola gabe geratuko dira 0 eta 2 urte arteko umeen erdia baino gehiago Getxoko PPren hitzetan
"Gertatutakoa saihesteko ezertxo ere egin ez duen Zarraoa alkatearen pasibotasunaren aurrean, udalerriko ikastetxe publikoetako 0 eta 2 urte arteko haurrentzako ikasgelen erdia kenduko du Eusko Jaurlaritzak", Marisa Arrue Getxoko PPko bozeramaileak plazaratu eta Europa Press albiste agentziak ezagutzera emandako komunikatuaren arabera. Zinegotzi popularrak adierazi duenez, "eskolatik kanpo geratuko dira 360 neska-mutil baino gehiago, auzotarrek egindako 648 eskaeretatik 288 plaza baino ez dituelako beteko Hezkuntza Sailak". Hori dela eta, "familia getxoztar asko behar bezalako arreta jaso gabe" geratuko direla salatu du Arruek, "herritik kanpoko ikastetxe pribatuetara bidali edo eskola gabe utzi beharko dituztelako seme-alabak".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun