Sindikatuek hauteskundeen ostean Osakidetza kudeatuko dutenei jakinarazi nahi izan zieten "gatazkan dagoen sektorera" helduko direla, eta "negoziatzeko borondaterik agertzen ez badute" hiru sindikatuen protestak aurrez aurre izango dituztela.
Grebaldien zenbakiak
Orain arte eskualdeka egindako sei greba egunetan emaitza onak izan dituztela esan zuten atzo sindikatuek. Lehen arretan %75,83 eta ospitaletan %65,12 dira ELA, SME eta SATSEk jakitera emandako greba segimenduko datuen media. Etzirako lanuztea oraindik arrakastatsuagoa izango delakoan daude.
Bestalde, grebaren aldeko sindikatuek "huts larritzat" daukate LAB, UGT eta CCOOk Jaurlaritzako Osasun Sailarekin otsailaren 23an sinatutako hitzarmena. Beraien ustez, hitzarmen horrekin «lau urteko negoziazio hutsunea behar bezalako oinarririk gabe» itxi nahi izan da.
Gaiaren inguruko albisteak:
Gaiaren inguruko berriak:
ELA, SATSE eta SMEren arabera, Osakidetzako langileen %80k egin du greba Uribe Kostan (2005 Mar 03)
Greba egongo da bihar eskualdeko osasun zentroetan (2005 Mar 02)
Martxoaren 3ra arte ez du eraginik izango eskualdean Osakidetzan deitutako grebak (2005 Ots 16)
Ostiralerako Osakidetzan greba deitu dute ELA, SME eta SATSE sindikatuek
2005ko api. 6a, 14:59
Ostiralean, apirilak 8, greba izango da Osakidetzako zentru guztietan, Uribe Kostakoak barne. Izan ere, ELA eta erizainen (SATSE) eta medikuen (SME) sindikatuek egun horretarako greba deialdia egin dute dagoeneko, Osakidetzako lan baldintzak negoziatzeko eta hobetzeko eta Gabriel Inclan sailburua eta EAEko Osasun Saileko bestelako agintarien jarrera salatzeko. Izaskun Garikano (ELA), Encarna De la Maza (SATSE) eta Kepa Urigoitiak (SME) atzo egindako prentsaurrekoan argitu zuten ez dutela "itxitzat ematen ez negoziaketa, ez eta Osakidetzako gatazka ere" eta Osasun arloko agintariei, oraingoak zein hauteskundeen ostekoak, mezu bat helarazi zieten: arazoei "errotik eta konpontzeko gogoz heltzen ez zaien bitartean", sindikatuak borrokan jarraituko dutela.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun