“Prezio pertsona guztientzako egokia bada ere, printzipioz mugitzeko arazoak dituztenentzako zerbitzua izatea pentsatuta dago” alkateak zehaztu duenez. Izango duen ordutegia 10:30etik 20:00etara izango da neguan (azarotik martxora) eta 10:00etatik 22:30era udaberrian eta udan (apiriletik urrira).
Tokiko Gobernu Batzarrak aipatutako zaintza, garbiketa eta diru bilketa lanak urte batez emateko lehen urratsak eman ditu aste honetan, 75.000 euroko gehienezko zenbatekoarn. “Ezintasunak dituzten pertsonei lana ematea da helburua, hain zuzen ere, igogailuaren eta instalazio guztien (txartelak saltzeko eta balioztatzeko makinak, bideo kamerak...) funtzionamendu egokiaz ardura daitezen, baita instalazioko sarreren eta irteeren garbiketaz, eta diru bilketaz ere. Era berean, erabiltzaileen eta egindako bidaien jarraipen estatistikoa egin beharko dituzte”, zehaztu du Zarraoak.
Ereagako igogailuaren zaintza, garbiketa eta diru bilketa langabezian dauden ezinduek egingo dituzte
Datorren maiatzean martxan egotea aurreikusten den Ereagako igogailuaren zaintza, garbiketa eta diru bilketa lanak langabezian egon eta ezintasunak dituzten pertsonen ardurapean egongo dira, Iñaki Zarraoa Getxoko alkateak aurreratu duenez. Bidaiaren salneurria 20 zentimokoa izango da eta 10 bidaiatako txartelak ere egotea aurreikusten dute udal arduradunek, horren salneurria oraindik zehaztuta ez badago ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun