Iñaki Zarraoa Getxoko alkateak zinta moztu eta gero, plaka bat desestali eta kirol azpiegitura berriak bisitatuko dituzte agintariek. Hori bai, euria egingo balu, baliteke ibilbidea aldatzea, udal prentsa zerbitzutik jakinarazi dutenez. Izan ere, estalperik gabekoak dira kiroldegiko hainbat zati, futbol-zelaiari edota tenis-pistei dagozkionak, besteak beste.
Hainbat xehetasun
Besteak beste, aterpeko hiru igerileku, hainbat tenis eta padel-pista, balio anitzeko bost gela, muskulazio aretoak... jarri dituzte 27.000 bat metro koadroko azaleran. Gainera, 1.500 lagun hartzeko harmailan ditu futbol-zelaiak eta aterpeko futbola, saskibaloia, eskubaloia, eta abarrerako kirol pabilioia ere badago 360 jesarlekuekin. Azkenik, 287 plazako lurrazpiko aparkalekua dago eta kirol-taldeentzako lokalak.
Bisita gidatuak
Gobela kiroldegia ofizialki zabaldu eta ndorengo bi egunetan, 9an eta 10ean alegia, bisitak antolatu dira, herritarrek kirol azpiegitura berriak ezagutu ditzaten, . Aldez aurretik antolatutako hitzorduetan bezala, bisitaldiak taldeka egingo dira, gehienez 15 lagunek osatuta, eta ez da derrigorrez Fadurako bazkide izan beharko horietan parte hartzeko. Izen ematea Getxo Kirolak-Fadurako erabiltzaileen arretarako bulegoan edota telefonoz egin daiteke, 94 430 80 69 zenbakian, 8:30etik 14:30era arteko ordutegian.
Getxoko Udaleko prentsa zerbitzuak jakinarazi duenez, Juan Jose Ibarretxe EAEko lehendakariak ez du parte hartuko, ostiral honetan, 11:30etik aurrera egingo den Itzubaltzeta / Erromoko Gobela kiroldegiko inaugurazio ofizialean. Izan ere, "hauteskunde kanpainan egonda, horrelako ekitraldietara joatea debekatuta dauka", udal arduradunek jakinarazi dutenez. Hala ere, ez dira gutxi izango bertan egongo diren agintariak. Besteak beste, Jose Luis Bilbao Bizkaiko ahaldun nagusiak, zinegotzi getxoztarrek eta Gobela kiroldegiko Zuzendaritza Batzordeko kideek lagunduko diote zinta mozten Iñaki Zarraoa alkateari. Uribe Kostako herrietako hainbat agintarik ere bertan egongo direla konfirmatu dute: Jose Maria Ezpeleta, Patxo Igartua, Pedro Botejara eta Nikolas Oñate Barrika, Gorliz, Lemoiz eta Plentziako alkateak, hurrenez hurren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun