Horretaz gain, edo hobe esanda, horrekin batera, senitartekoak ere helburu berdinarekin zigortu egiten ditu Estatuak. Nahikoa ez balitz presoen bizia trukerako txanpon gisa erabiltzea, haien familiarren biziarekin ere jolastu egiten dute. Astero-astero, ehundaka pertsonek beraien bizia arriskuan jartzen dute euskal preso politikoak ezin ditugulako, ez ditugulako nahi, bakarrik utzi. Pertsonen biziarekin jolasten dute, baita euren ekonomiarekin ere. Eta hor, Espainiako agintari politikoek hartutako erabaki politikoak babesteko epaileak emandako sententzia hau adierazgarria da.
Lakuatik urratsak nahi ditugu
Beraien aursardia erakusteko urratsak ikusi nahi ditugula ere esan behar diogu Gasteizko gobernuari. Esaten dituztenak ekintza bihurtu behar dira eta euskal presoak Euskal Herriratzeko urrats sendo eta zintzoak eman behar dituzte. Diru apurrekin ezin da dispertsioaren kaltea sendatu. Euskal presoek Euskal Herrian eta batuta behar dute, eragile politiko gisa aritu eta gatazkaren konponbidean parte hartzeko. Horren alde egin beharko luke Eusko Jaurlaritzak, erabaki politikoen bidetik, eta ez espainiar Estatuak eratua duen amaraun juridiko iruzurti horretan galduta. Bitartean, erabaki honi kasu ez egitea eta senitartekoei diru hori ematen jarraitu dezan ere eskatzen diogu Lakuari.
Askatasuna
Gaiaren inguruko berriak:
Uribe Kostako 37 presoren senideei kalte diezaieke EAEko Auzitegi Nagusiak laguntzak kendu izanak (2005 Api 06)
EAEAN-k euskal preso politikoen senideei Lakuak ematen dizkien dirulaguntzak atzera bota izana salatu du Askatasunak
2005ko api. 8a, 14:23
EAEko Auzitegi Nagusiak (EAEAN) euskal preso politikoen senideei Lakuak ematen dizkien dirulaguntzak atzera bota dituela eta, erabaki berri honekin, espainiar Estatuak euskal preso politikoei ezarritako zigorra muturreraino eraman nahi duela salatu nahi du Askatasunak. Argi dago, sakabanaketa politikaren bidez, presoen erresistentzia hautsi nahi dutela, beraien biziraupen fisiko eta psikologikoa apurtuz. Haien izaera eta jite politikoa suntsitu eta ezeztatu nahi dituzte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun