EHAK-k Aukera Guztiak hautesle elkartearen asmoak bere egin ostean, egoera berriaren aurrean zer egin bere militanteekin aztertu behar zuela iragarri zuen Batasunak. Orain, 5.000 militante baino gehiagok parte hartu duten 180 batzar egin ostean, EHAKri boza ematea erabaki dute, eta horretarakoxe deia egin die gizarteari.
(Argazkia, Beti Gorriak EHAKren blog ez ofizialetik hartua)
Beraien zerrendak erretiratu egingo dituztela jakinarazi eta Euskal Herrialdeetako Alderdi Komunistari (EHAK) botoa emateko eskatu die euskal herritarrei Arnaldo Otegi Batasuneko bozeramaileak. "Ez dugu boza haientzat eskatzen gure helburu ideologiko eta politiko berbera dutelako, baizik eta testuinguru politiko hinetan gatazka gainditzeko Batasunak planteatzen duen helburu horrekin bat egiten dutelako", azaldu du ezker abertzaleko ordezkariak. Horretaz gain, Batasuneko militanteei EHAKren aldeko kanpaina egiteko eskatu die. "Apirilaren 17ko hauteskundeetan, egoerak bere horretan mantendu nahi dutenen eta benetan bakearen agertokira salto egin nahi dutenen artea erabakitzen jakingo du gizarteak". Batasunaren iritziz, EHAKren aldeko bozak, "bake eta demokrazia prozesuari benetako bultzada emateko balioko du".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun