Apirilaren 10ean Ibilaldi Neurtuaren hogeigarren edizioa ospatuko da Sopelan. Hori dela eta, igandean ez ezik, larunbatean ere jarduera ugari antolatu ditu Urko Mendi Taldeak. Umeentzat izango dira aurreneko egunean egongo diren ekitaldiak. Goizez, neska-mutilentzako tailerrak eta ipuin kontalariak egongo dira, 10:30etik13:30era. Arratsaldean, berriro ere tailerrak, "Monda & Lironda" pailasoak eta Txokolatada Handia egongo da, 16:30etik 19:30era. Ekitaldi gehienak Udaletxe plazan izango dira. Hain zuzen ere, karpa bat jarriko dute bertan jardueretarako leku gehiago egoteko, udal arduradunek aipatu dutenez.
Bestalde, igandean, 8:30ean hasiko da naguesientzako martxa eta umeentzakoa 10:00etan. Helmugan sariak banatuko dira eta karpan hamaiketako bat egongo da. Kalegira bat ere antolatu da, Sopelako Barinatxe Taldearekin eta Algortako Itxartu Trikitrixa Taldearekin. Urko Mendi Taldeak diru laguntza eskatzen ari da mota honetako ekitaldi batek sortutako gastuei aurre egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun