W.Shakespearen "Hamlet" klasikoaren moldaketa bat da "Ofelia!!! Princesa de Dinamarca". Ofelia erreginaren espiritua bere alabari agertuko zaio bere ahizpa, egungo erregina, erahil egin zuela jakinarazi eta mendekua eskatzeko.
Carlos Baiges zuzendariak, sozialki eta politikoki emakumeen esku dagoen Danimarka bat agertzea lortu nahi izan du moldaketa honekin. Halaber, tradizionalki gizonen eskuetan dauden boterearen mekanismoak emakumeen eskuetara nola igarotzen diren ere erakutsi nahi izan du.
Hainbat antzerki lan
Aipatu bezala, 96 Unicornios Getxoko Antzerki Eskolako konpainia egonkorra da. Autore klasiko eta unibertsalak ikertu nahi ditu, eta interpretazio organikoa eta benetazkoa eta mugimenduen eta testuaren lotura armonikoa dira bere lan-ildoak. Orain arte, "Cuento de Invierno" (1997), "La vida es sueño" (1998), "Bacantes" (1999) edo "La buena persona de Sezuan" (2001) bezalako lan klasikoak taularatu ditu.
"Ofelia!!! Princesa de Dinamarca" obra taularatuko du igandean Getxo Antzokian 96 Unicornios taldeak
Antzerkiaren Nazioarteko Eguna ospatzeko asmoz, 96 Unicornios taldearen "Ofelia!!! Princesa de Dinamarca" lanaren antzezpena antolatu du igande honetarako Getxoko Kultur Etxeak. Getxoko Antzerki Eskolako azken ikasturteko ikasleek osatzen dute taldea, eta zazpigarren promozioko karrera bukaerako muntaia da igandean aurkeztuko dutena. Emanaldia 20:00etan hasiko da, Algortako Getxo Antzokian, eta sarreraren prezioa 3 eurokoa da, Kultur Etxeko iturriek jakinarazi dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun