Palestina, Brasil, Kolonbia eta Guatemala aurtengo elkartasun brigaden jomuga
2005ko api. 11a, 11:27
Euskal Herritik mundura, mundutik Euskal Herrira, 2005eko brigadak: elkartasuna beste herrien borrokak geure egitea da. Aurtengo udan ere borrokarako, lanerako, ikasteko, gozatzeko eta aberasteko eskaintza egiten dugu elkartasun brigaden bitartez. Borrokaren itsasontzi honetan nabigatzen ari diren beste herrietako errealitatea ezagutu, errebeldia esperientziak elkar trukatu, eta barrikadan segitzeko pilak kargatu! Palestina, Brasil eta Kolonbiara joateko brigadak antolatu ditugu.Palestinako brigada uztailean izango da, 8tik 28ra eta parlamenturako hauteskundeekin bat egingo du. Brasileko brigadak uztailean eta irailean izango dira eta MSTrekin batera egongo gara. Kolonbiako brigada Antiokiako departamenduan izango da eta CODEHSEL (Colectivo de Derechos Humanos Semillas de Libertad) kolektiboa osatzen duten taldeekin izango da. Taldeak murritzak dira eta betetzen diren heinean itxiko dira; epea maiatzaren 15ean amaitzen da. Hauetaz gain, badago Guatemalara joateko aukera. Kasu honetan ez da talderik osatuko eta guk zubi lana egingo dugu interesdun pertsonaren eta hango erakundearen artean. Interesa izanez gero, deitu telefono honetara: 944 790 703 (goizez).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun