Brigadak egingo dituen lan eta ekintzak honakoak dira, Euskadi-Cubak jakinarazitakoaren arabera: zitrikoen eta azukre-kanaberen landetan ekoizpenean laguntzeko lanak, baita, noizean behin, eraikuntza lanak ere. Batek zein besteek ez dute aurreprestakuntzarik behar.
Ekoizpen jardunaldiak beste ekintza batzuekin elkarbanatuko dira, hala nola, jendarte zentruei bisitak (eritetxeak, haurtzaindegiak, eskolak, lantegiak...), komunitate eta auzoetako herritarrekin topaketak, "Kubako jendartearen antolaketaren ezagupen zuzena edukitzeko eta baita, Amerikako Estatu Batuen blokeo ekonomikoak herriarenganako duen eragin zuzena" ezagutzeko ere.
Horretaz gain, egungo Kubaren gai ezberdinei buruzko hainbat hitzaldi antolatuta dago. Informazio gehiago jasotzeko, hona idatz dezakezu: bilbo@euskadicuba.org edo honako telefonora deitu: 944 151 107.
Euskadi-Cuba elkarteak, Instituto Cubano de Amistad con los Pueblos (ICAP) erakundearekin batera, Kuban arituko den aurtengo Europako elkartasun lan brigadarako izen-ematea ireki du. Epemuga apirilaren 27a izango da. Lan brigadak Habana probintziako Caimito udalerrian jardungo du, hiriburutik 40 bat kilometrotara, ekainaren 27a eta uztailaren 18a bitartean. Euskadi-Cuba elkartearen aburuz brigadaren helburua "Kubako gizarteari eta herriaren errealitateari modu zuzenago eta sakonago batez hurbiltzea da; horrela, beranduago, bertan zuzenean bizitako esperientzien eta informazioen berri eman ahal izateko, herri horri buruz dagoen manipulazio itzelarengandik aldenduz".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun