Egitaraua aditzera eman duten alderdiak EAJ-EA, PP, PSE, EB, UA, Aralar, Alderdi Humanista, Berdeak-Pacma eta Batasuna izan dira, azken hori hauteskundeetan parte hartuko ez duena legez kanpo utzia izanagatik.
Azterketarako oinarri gisa, Kontseiluak 2004ko azaroan hamaika indar politiko eta sindikalekin sinatutako Akordio Soziopolitikoa hartu du. "Hitzartu genituen neurriak gure ustez ezinbestekoak dira", adierazi zuen Idazkari Nagusiak. Alderdien proposamenen gainean Kontseiluak bere ondorioak atera ditu. "Orokorrean, alderdien proposamenak nahiko eskasak dira", esanez adierazi zuen kezka Xabier Mendigurenek.
Egitarauen azalpenetan Kontseiluak PSE, UA eta PPren egitasmoetan atzerapausoak nabaritu ditu. "Alderdi hauek 'inposizioa', 'diskriminazioa' eta 'opresioa' hitzak erabiltzen dituzte, euskararen normalizazioak eragindakoak direla esanez. Ez dute, ordea, euskaldunok pairatu behar dugun hizkuntza-eskubideen urraketa aipatzen", salatu zuen Kontseiluko Ildo Politiko-Instituzionaleko arduradunak, Iñaki Lasak.
EAJ-EA koalizioaren proposamenean ere, ez dute euskarak behar duen eraginkortasuna jaso, Kontseiluaren aburuz. "Koalizioaren eta gainerako alderdi gehienen adierazpenetan asmo, helburu eta bitartekoen arteko lotura falta da", adierazi zuen Lasak.
Eskasiak
Eskasien artean Ildo Politikoko arduradunak bi puntu azpimarratu zituen. Batetik, Estatutu berrian ez dela euskarak izan behar duen estatusa jasotzen. Bestetik, hezkuntza-ereduen sistemaren aldaketa ez dutela funtsezkotzat hartzen.
Administrazioaren eta Osakidetzaren euskalduntzearen gainean EAJ-EA koalizioak duen jarrera kritikatu zuen Kontseiluak. "PSEk, PPk, EBk eta UAk ere, ez diote zerbitzuak euskalduntzeari arretarik jarri, normalizazioa lortzeko ezinbestekoa izan arren", esan zuen Iñaki Lasak. Gainera, lan-munduaren euskalduntzean, hedabideenean, dirulaguntza beharretan eta udal mailako politikan hutsuneak nabaritu dituzte.
Azkenik, Kontseiluak proposatutako Akordio Soziopolitikoarekin bi alderdi bat agertu direla azpimarratu zuten: Aralar eta Batasuna. Era berean, EBk bere egitarauan zenbait proposamen interesgarri azaldu ditu.
"Hitzarmen Soziopolitikoarekin lortutako eragina azpimarratzekoa da. Izan ere, gainerako alderdiei Akordioarekin bat etortzeko proposamena zabaldu nahi diegu, honetan azaldu baitugu jarraitu beharreko bidea", gaineratu zuen Lasak.
Honako helbide honetan aurki daiteke txosten osoa:
Euskararen normalizazioa alderdi politikoetako hauteskunde-egitarauetan (pdf)
Euskararen Gizarte Erakundeen Kontseilua
Kontseilua: "Alderdiek ez dute hizkuntza-politika eraginkorrik azaltzen hauteskunde egitarauetan"
Euskararen Gizarte Erakundeen Kontseiluak EAEko hauteskunde autonomikoei begira alderdien egitarauen azterketa egin du, euskararen normalizazio prozesuan aurrerapausoak proposatzen diren ezagutu nahian. Horretarako, Kontseiluak egitaraua argitaratu duten alderdien proposamenak txosten baten bidez aztertu ditu. Azterketa honen ondorio nagusia alderdi gehienen hizkuntza-politikaren eraginkortasun eza da. "Hauteskunde-egitarauetan ere normalkuntza lortzeko euskararen konpromisoa ezinbestekoa dela uste dugu", azaldu zuen Kontseiluko Idazkari Nagusiak, Xabier Mendigurenek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun