Bapiruke egitasmoa orain dela urte bat jarri zuen martxan Bizarra Lepoan Euskara Elkarteak, ikerketa batez Getxoko udalerrian aisialdi talde euskaldunik ez zegoela ikusi zuenean.
Egitasmo horrekin hainbat helburu lortu nahi izan dute Getxoko euskaltzaleek. Besteak beste, honakoak:
- Getxon haurren aisialdi ekintzetan euskarazko hutsezko ekintzak garatzea eta eskolaz kanpoko ekintzetan euskararen erabilera bultzatzea.
- Euskarazko ekintza hauek euskararen normalizazioa lortzeko tresna bezala erabiltzea eta Euskal Herriarekiko hurbilpen bat ematea.
- Ekintza osasuntsu eta dibertigarriak garatzea.
- Getxoko haurren arteko harremana estutzea.
Informazio gehiago nahi izanez gero, idatzi edo deitu:
bizarralepoan@euskalnet.net
944 914 357 (11:00-13:00 / 18:00-20:00)
Bapirukek Abaltzisketan egingo duen egunpasan izena emateko epemuga bihar izango da
Apirilaren 24rako, Bapiruke ekimeneko egunpasa antolatu du Gipuzkoako Abaltzisketa herrian Bizarra Lepoan Euskara Elkarteak. Besteak beste, Aralar mendilerroa eta Txindoki mendatea inguruetan dituen 273 biztanleko hiri honetaz eta Larraitzeko baselizaz gozatzeko aukera izango dute biharko (barne) izena emanda duten 5 eta 12 urte bitarteko umeek. Bizarra Lepoaneko bazkideek 25 euro ordaindu beharko dituzte, eta ez-bazkideek 33 euro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun