Tartalok istorioak maite ditu eta konturatzen da horixe dela lo egin ezinari aurre egiteko modu bakarra. Horrela, ipuinez ipuin, Tartalo lokartzen denean, Oihana ihes egiten saiatuko da.
Hiru ipuin
Ipuineko itzal txinatarrek berdintasuna eta talde lana goresten dituzte, besteak beste. Antzezlan honek hiru tarte ditu, bina eszenatakoa. Bakoitza ipuin bat da; hiru herri-ipuin dira, bilduma askotan bertsio ezberdinetan aurki daitezkeenak, gaztelaniaz zein italieraz.
Dar-Dar Produzkioak taldearen asmoa, lanean hasi zenetik, bere ikuskizunei estilo jakin bat ematea da. Esan daiteke, batetik, antzezlan atsegin eta dibertigarriak bultzatzen dituela, jendeak parte har dezan, eta bestetik, eduki pedagogikoko ikuskizunak sortzen dituela, beti ere taularatze ederra eginez.
Dar-Dar txotxongilo taldeak "Egizu lo, Tartalo" haurrentzako lana taularatuko du larunbatean Areetan
Dar-Dar txotxongilo taldeak "Egizu lo, Tartalo" lana antzeztuko du larunbat honetan Areetako Andres Isasi Udal Musika Eskolan. Antzezpena 13:00etan izango da gaztelaniaz, eta 18:00etan euskaraz, eta sarrerak 3 euro balioko du, Getxoko Kultur Etxeko iturriek jakinarazi dutenez. Antzezlana 3 eta 7 urte arteko umeentzat egina dago. Neska-mutil txikienei euskal mitologiako pertsonaia horren berri ematea da obraren asmoa. Tartalo begi bakarreko erraldoia da, jendea jaten du eta ez da oso argia; gainera, ezin du lorik egin. Istorio honetan, Oihana gaztea Tartaloren kobazuloan gatibu dago. Erraldoiak jan ez dezan, trikimailu bat asmatuko du Oihanak: ipuinetan aurkitzen du neskatilak salbazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun