Besteak beste, hauek dira jorratuko diren edukiak:
- Gai jakin batzuen inguruan esamoldeak garatu: adarra jotzea, ligatzea eta haserretzea.
- Egoera informaletan euskarazko erregistro kolokiala erabiltzera animatu.
- Hizkuntzarekin jolastu eta ondo pasa daitekeela erakustea.
- Euskarazko erregistro kolokiala erabiliz gustura sentitzea.
Informazio gehiago nahi izanez gero:
Bizarra Lepoan euskara elkartea (Teresa Zarraga)
Karitatea kalea, 1-10. bulegoa. 48991 Algorta
Tel.: 94 491 43 57
e-posta: bizarralepoan@euskalnet.net
"Lagunarteko hizkerarekin jolasean" izenburupean, 15 eta 18 urte bitarteko neska-mutilei zuzendutako gazte hizkera ikastaroa antolatu du Bizarra Lepoan euskara elkarteak, Gehi-Getxo euskalduntzeko hitzarmena izeneko egitasmoaren barruan. Besteak beste, bi saioz osatuta egongo da kurtsoa: bata apirilaren 16an, hau da, larunbat honetan; eta bestea, apirilaren 23an. Biak ala biak 9:00etatik 13:00etara egingo dira, euskara taldeak bere egoitza daukan Karitate kaleko 1. atariko Itxasgane kulturgunean. Ikastaroa doakoa izango da. Hala ere, 10 euro eskatuko dira ziurtagiri moduan, bukatzean bueltatuko direnak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun