Goizean goiz, ErNEk Vasco Pressi adierazitakoaren arabera, kanpaldia ez zen bertan behera utziko egindako "aldarrikapenak erantzun duin eta erreala jaso arte". Ertzainen sindikatuak "arduragabekeria" leporatu dio Herrizaingo Sailari "Ertzaintzako langileen arazoei irtenbidea emateagatik baino" hauteskundeengatik kezkatzen delakoan. ErNE prest azaldu da edozein eran negoziatzeko eta kontrako jarrera edukitzea egotzi dio Balzak zuzentzen duen sailari.
"Mezprezuak nazkatuta"
Zentzu horretan, kanpaldiko antolatzaileek "ertzainen artean zabalduta dagoen lanera ez agertze kopuru handia eragiten duten apatia eta desengainua" arazo larritzat jo eta hori ukatzeaz akusatu dute Barne Saila, "mezprezuak nazkatuta, nekatuta eta gogoa galduta dagoen lan taldea apirilaren 17ko hauteskundeetatik irtengo den hurrengo gobernu taldeari herentzian utziko" diolako.
Era berean, ErNEk gaitzetsi du Herrizaingo Sailak zabaldutako informazioa. Haien ustez ertzainak "ondo ordainduta" daudela eta 35 ordu lan egiten dituztela esatean lan egutegietan egiten diren "gehiegikeriak" eta atsedenaldi txandekin dagoen "errespetu falta" ezkutatzen dira.
ErNEk Erandioko makrokomisaldegian kanpaldia egiten saiatu da komenioaren alde
ErNE ertzainen sindikatuaren ordezkariak, "dozenaka", sindikatuak emandako datuen arabera, Erandioko Ertzaintzaren makrokomisaldegiaren aurrean kanpaldi bat egiten saiatu dira gaur goizean, Herrizaingo Sailak duen "negoziatzeko jarrera eza" salatzeko eta Harreman Laboralen Akordioa negozia dadin presionatzeko. Halere, gaurko "haize bolada handiek" ertzainek jarritako kanpin dendak gainditu dituzte eta sindikatukoek protestaldia lekuz aldatzea erabaki dute, eta 13:00etan Gasteizko Lakua auzoan dagoen Eusko Jaurlaritzaren eraikinen aurrera eraman dituzte oihal-etxolak. Argazkian, ErNEk hartutako irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun