Gaiaren inguruko berriak:
Elecciones.net
"Berria"ren EAEko hauteskundeei buruzko webgunea
Euzko Alderdi Jeltzalea eta Eusko Alkartasunak osatutako koalizioak 140.000 boto eta 4 legebiltzarkide galdu arren, lehena izan da Araba, Bizkaia eta Gipuzkoan burututako hauteskundeetan, 463.372 boto eta 29 jesarleku bereganatu dituela. Bere atzean, Patxi Lopezen PSE-EE gelditu da 272.192 boto eta 18 legebiltzarkiderekin (lehen 13 zituen), ia 20.000 boto irabazita. Alderdi Popularra izan da hirugarrena lehia horretan, 208.438 bozka bereganatu dituela, orain dela lau urte baino 120.000 gutxiago. Lortutako diputatu kopurua ere txikiagoa izan da: 19 izan beharrean (UAk eta PPk 2001ean lortutakoak) aurrerantzean 15 ordezkari izango ditu PPk Gasteizen. Indar handiarekin sartu da Eusko Legebiltzarrean EHAK alderdi berria, 150.076 boto eta 9 jesarleku irabazita. Komunistek Batasunaren babesa izan dute, eta alderdi honen aurreko hautes-zerrenda izan zen Euskal Herritarrok baino 7.000 boto gehiago bereganatu ditu, Euskal Herritarron oinordekoa ere den Aralarrekin (27.999 boto eta diputatu bat) lehian izan dela. Azkenik, Ezker Batua-Berdeek zituzten 3 diputatuak mantendu dituzte, nahiz eta bidean 14.000 boto galdu, 64.863 atxiki dituztela. EHKA eta Aralar izan dira botoetan igo diren alderdi bakarrak parte hartzea, orain dela lau urtekoa baino %9 txikiagoa izan baita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun