Cybereuskadik jasotako datuen arabera, UKBERRIz aparte badira eskualdeko edo Uribe Kostarekin lotutako beste gune batzuk Euskal Herriko 1.000 webgune bisitatuenen artean. Besteak beste: EHU, Artea, Uribe Kosta Digitala, Getxo, Sopela, Leioa eta Gorlizko udalak, Metro Bilbao, Sarean.com Jabi Zabalaren bitakora, Bizkaia Euskal Kostaldea, Agirregabiriatarren Getxoweb, Areetan egoitza nagusia duen Sener enpresa, Izaro News digitala, Zinegoak, "El Correo"ren master ikastaroa eta Itzubaltzetan egoitza duen Iparnet.com.
Eskualdeko webguneak Euskal Herriko sailkapenean
14. Euskal Herriko Unibertsitatea (munduan, 17.086.a)
26. Artea merkatalgunea (27.488.a)
74. Uribe Kosta Digitala (100.251.a)
142. Getxoko Udala (210.776.a)
191. Sopelako Udala (311.410.a)
305. UKBERRI (614.490.a)
307. Metro Bilbao (.com) (614.959.a)
308. Metro Bilbao (.net) (614.959.a)
334. Sarean.com (663.391.a)
392. Bizkaia Euskal Kostaldea (801.627.a)
409. Getxoweb (820.171.a)
506. Sener (1.045.553.a)
547. Leioako Udala (1.150.393.a)
578. Izaro News (1.218.885.a)
582. "El Correo"ren master ikastaroa (1.228.007.a)
730. Zinegoak (1.603.179.a)
881. Berangoko Udala (2.035.465.a)
882. Iparnet.com (2.035.465.a)
957. Gorlizko Udala (2.249.841.a)
Alexaren sailkapenaren inguruan
Asier Sarasua Eibartik bitakoraren egileak Erabili.com webgunean esan duenez "Alexa ez da oso fidagarria bere rankineko 100.000. postutik atzera (beraiek onartzen dute)".
Era berean, Zuhar Informatika enpresako kidea den Osoitz Elkorobarrutiak pasa den urtean Sustatun idatzi zuenez "Alexak nagusiki Internet Explorer 6 erabiltzaileen nabigazio datuak espiatzen ateratzen dituela, gero eta zabalagoa den talde baten datuak kanpoan uzten ditu: Spywarea kentzeko programak erabiltzen dituzten IE6ko erabiltzaileak eta IE6 ez den beste nabigatzaile bat erabiltzen dutenak (W3schools-en arabera, %25-30). Bestalde, gehitu beharko liratezke Alexa nabigazio barra instalatuta duten IE erabiltzaileak, Alexaren informazio ituuri ofizial bakarra".
Horregatik, Alexaren sailkapena "benetako datu zehatza baino, gutxi gorabeherako erreferentzia" bezala definitu du Sustatuk behin baino gehiagotan.
UKBERRI da herri prentsa euskaldunaren laugarren webgunerik bisitatuena, Alexa Amazon taldeko enpresak apirilaren 12an mundu mailan egindako sailkapenaren arabera. Erabateko fidagarritasunik izan gabe, errealitatearen hurbilpena eskaintzen du Alexak. Cybereuskadi eta erabili.com webguneek Alexatik bildutako datuetan ikus daitekeenez, eibar.org, Azpeitiko uztarria.com, eta Deba Goieneko goiena.net webguneen ostean eta Durangaldeko anboto.org, Azpeitiko erabili.com, edo Donostialdeko bagera.net baino lehen dago UKBERRI, herri prentsari dagokionez. Euskarazko webgune elebakarren hurrenkeran ere, bederatzigarren postuan agertzen da UKBERRI, aurretik berria.info, eibar.org, sustatu.com, euskalerria.org, aurki.com, argia.com, hikhasi.com eta uztarria.com dituela. Uribe Kostako webguneen artean 6.a, Euskal Herriko sailkapenaren 305.a (pasa den urtean 1.094. postuan), eta mundu mailan 614.490.a gelditu da UKBERRI. Mila esker egunero digital hau irakurtzen duzuenoi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun