Adingabekoak uztailaren lehen astean etorriko direla aurreikusi dute eta horien egonaldia iraileko lehen astera artekoa izango litzateke. Denbora horretan, besteak beste, elikadura orekatua jasotzeko eta basamortuan dagoena baino tenperatura erosoagoan bizitzeko aukera izango dute, ekimeneko arduradunek azaldu dutenez.
ATFALek deialdia egiten die familia getxoztarrei elkartasuneko egitarau honetan parte har dezaten, “bi aldeentzako oso aberasgarria delako”. Interesa dutenek elkartearen telefonoetara dei dezakete: 658 751 359 edota sahara@atfalgetxo.org e-postara. Halaber, Udaleko Gizarte Zerbitzuetara jo dezakete, 94 466 01 30 telefono zenbakiaren bidez.
Udan saharar umeak hartzeko kanpaina abian dago Getxon
2005ko api. 21a, 12:02
Udalarekin lankidetzan, aurten ere abian jarri du udan zehar herriko familiek euren etxean saharar umeak hartzeko kanpaina abian jarri du Sahararen aldeko Getxoko ATFAL Elkarteak. Aurrekoetan bezala, “Oporrak Bakean” lelotzat hartuz, udalerrian hamabi neska-mutil jasotzea da 2005eko ekimenaren helburua, Aljeriako Tindoufeko errefuxiatuen kanpamentuetatik etorriak, alegia. Familiek eskaera egiteko epea, hasieran behintzat, maiatzaren 13ra arte egongo da zabalik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun