Uriarteren hitzei babesa emanez, kontu hauetan edozein erakundetan horrela jokatzen dela adierazi du Iñaki Zarraoa alkateak. "Arazoa ez da hori. Kontua da Madrilen udalerrian baino denbora gehiago ematen duela Marisa Arruek, atzo eta herenegun kasu. Gero, hona etortzean protagonista izan nahi du", gaitzetsi du udal agintariak.
Gaiaren inguruko berriak:
Gutxienez astelehenera arte emango diete ostatu Arkotxako bizilagunei
Lur-jausiaren ondorioz, etxetik kanpo daude zortzi familia (2005 Api 21)
Arkotxan gertatutakoaren kontura, hedabideetan agertu nahi izatea egotzi diote Arrueri
Gaur goizeko prentsaurrekoan hainbat kazetarik aipatu dutenez, udal agintarien aldetik Arkotxako lur-jausiaren gaineko inolako informaziorik ez zaiola heldu kritikatu du Marisa Arrue Getxoko PPko bozeramaileak. Horri erantzunez, ordezkari popularrak 10:00ak aldera deitu diola telefonoz jakinarazi du Andres Uriarte zinegotziak, "ahalik eta lasterren Hirigintza Batzordea biltzeko eskatuz". Udal agintariak, ordea, "ez dela beharrezkoa" erantzun dio, "dagoeneko Udal Gobernuak horren ardura hartu duelako, berari baitagokio eta ez opozioari". Horretaz gain, nahi izanez gero berarekin biltzea eskaini dio Arrueri Uriartek. "Orduan, hedabideetara joko zuela adierazi dit. Hain zuzen ere, hori da berak nahi duena, komunikabideetan oihartzuna izatea. Arkotxako auzotarrek Udalak izandako jokabidearekin pozik daudela esatea ezin izan du gainditu", amaitu du Hirigintza zinegotziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun