Antzerkiola Imagionariaren arabera, "Kaputen kanta" lana hildakoen kanta da, hilotzen dantza, amaieraren ospakizuna, requiem alaia. Ivy eta Dora, bibolina eta tronpeta, itxura iluneko espaziora heldu dira euren bihotz dantzariekin. Negar-kantari baldar hauek, heriotzaren aurrean atsekabetu beharrean, zulo eta amaiera guztiak ospatzen dituzte, berriz hasteko eta guztiz bizirik sentitzeko aukera ematen baitigute.
Ángel González poetaren hitzetan "Urtebete bizi ahal izateko / beharrezkoa da askotan hiltzea / requiem alaia eskatzen diegu izadi, izaki eta gizakiei / guztiz bizitzeko behar genuen heriotza hau ospatzeko".
"Kaputen kanta" euskarazko antzeslana eskainiko du gaur Itzubaltzeta gaztetxeak
Antzerkiola Imaginarioa antzerki ikerketarako laborategi eta antzes taldearen eskutik gaur 20:00etan antzes saioa eskainiko du Itzubaltzeta gaztetxeak. Gazte zentruak antzerkigintzan hainbat tailerra eta saio bultzatu ostean, Mina Espazio gunean sortutako Antzerkiola Imaginarioaren "Kaputen kanta" lanaren euskarazko bertsioa ekarri du. Sarrera bi eurotan har daiteke gaztetxean bertan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun