Antzinean, Erandioko auzo ezberdinetako baserritarrak batzen ziren, apirilaren hasieran aukeratutako egun eta tokian, musika doinuz eta dantzaz beteriko jai egunaz gozatzeko. Finean, erandioztar guztien arteko harremanak sendotzeko balio zuen ospakizunak. Kanpomartxon parte hartzen zutenak lotzen zituena euskara zenez, Erandioko euskaldunen eta euskaltzaleen jaia bihurtu da Berbotsi esker.
Egitaraua:
11:30ean. Jai hasiera dantzariekin (Goi Alde, Trabudu eta Uztargi).
13:30ean. Bertsolariak: Altzaga ikastolako bertsolari gaztetxoak, Etxahun Lekua, Xabier Paia eta Oihane Enbeita.
14:30ean. Herri bazkaria.
17:00etan. Betiko kantuak (Kepa eta Roberto) nagusientzat eta antzerkia txikientzat.
18:00etan. Dantzaldia: “Tapia eta Leturia”.
Eta egun osoan zehar: umeentzako gazteluak, arko, jokuak, txosna, musika, taloak, eta sorpresak...
Gaiaren inguruko berriak:
EAEko hauteskundeak direla eta Kanpomartxoren data aldatu du Berbotsek (2005 Mar 25)
Igande honetan Kanpomartxo jaiaren XV edizioa ospatuko da Erandioko Goikoan. Hainbat hamarkadatan galduta egon zen eta orain dela 15 urte berreskuratu zuen baserri giroko euskal jaia Berbots Erandion Euskaraz elkarteak. Ordutik hona, udalerriko auzo ezberdinak txandakatuz egin da urtetik urtera. Eguerditik aurrera, dantzak, bertsolariak, antzerkia, jolasak... edukiko dituzte egunean zehar bertara batzen direnek. Goi Alde, Trabudu eta Uztargi dantza taldeek eta Algortako Bertsolari Eskolak (ALBE) dira laguntzaileak. Argazkian, pasa den urteko edizioa, Lutxanan burututakoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun