Lan-esparru horiek guztiak betetzeko deia luzatu dute Ibaizabal eta Kurutziaga ikastolek. Parte hartzeko boluntario bakoitzak aipatutako zereginetatik nahi duen lana aukeratu dezake. Lan banaketen arduradunek kontuan hartuko dituzte eskariak. Dena dela, aukeratu den zeregina ziurtatzeko modurik ez dute aurrikusten antolatzaileek. Horregatik, lan aukeran artean lehentasunen arabera bizpahiru aukeratzea gomendatzen dute. Horretarako, Ibaizabal eta Kurutziaga ikastoletan eta Durangoko tabernetan jarri diren orrietan izena eman behar da lehenbailehen (izena eta harremanetarako telefonoa edo e-posta helbidea behar dira).
Boluntario bakoitzak, lan-taldeak ahalik eta azkarren osatze aldera, lan bakoitzerako hiru edo lau lagunen izena ematea litzateke egokiena. Izena emateko epea maiatzaren 6an amaituko da.
Durangaldeko Ibaizabal eta Kurutziagako ikastolek boluntarioak eskatu dituzte maiatzaren 29an ospatuko den Ibilaldia 05erako
Maiatzaren 29an egingo da Ibilaldia Durangon eta egun horretan, jaia behar den moduan ateratzeko, laguntasuna eskatu dute Ibaizabal eta Kurutziaga ikastola antolatzaileek. Izan ere, Bizkaiko ikastolen aldeko jaialdiko antolatzaileek jakinarazi dute 1.500 boluntario beharko direla egun horretako lanak egiteko. Egin beharrekoak hauek izango dira: sarrerak zaindu, edarien txosnetan aritu, ogitartekoen txosnan aritu, izozkiak eta litxarreriak salduko diren guneetan jardun, talogileekin aritu, informazio-guneetan egon, diru-trukeak egin, segurtasunaz arduratu, mantenua, muntaia egin eta desmuntatu, trafikoa gidatu, aparkalekuak koordinatu, garbiketa egin, osasun zerbitzua eman, zozketa egin, txahal/oilasko eta piper pintxoak saltzen aritu bai eta argiketariak, iturginak eta arropa dendan saltzen jardun.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun