Ekainaren 1ean zerga ordaindu ez dutenek premiamenduzko prozedurari erantzun eta errekargu interesak eta kostuak ordaindu beharko dituzte, udaletxeko zerga-bilketa bulegoan, Goikouriak ohartarazi duenez.
Horretaz gain, ordainagirian agertzen diren datuak ondo begiratzeko eskatu die herritar guztiei Erandioko Udalak, eta errakuntzarik antzemanez gero, horren berri emateko. "Dena den, ordainagiria hartu ez izanak, edo ordainagirietan errakuntzak egoteak ez du ordaindu beharra salbuesten", Ogasun zinegotziak jakinarazi duenez.
Joseba Goikouria Ogasun, Finantza eta Ondare zinegotziak atzo jakinarazi zuenez, Erandion erroldatutako automobilen kopuruak 12.022tik 12.552ra egin du gora (%8,4), 2004tik 2005era bitartean. Ibilgailuen Zirkulazio Zerga errekargurik gabe ordaintzeko borondatezko epea maiatzaren 31ra arte egongo dela zabalik gogoratzeko emandako prentsaurrekoan eman zituen ezagutzera datuak udal arduradunak. Ordainketa banketxe bidez (BBK edo Euskadiko Kutxaren bulegoetan) helbideratzeko gomendioa luzatu die herritarrei Erandioko Udalak, "horrela errazago izango dutelakoan". Dauden epeen berri emateko etxeetara bidaltzen ari dira informazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun