Beharrizanak zorroztu egiten du buru-argitasuna eta kaleko umeek berehala fabrikatu zituzten marimba ikaragarri handiak plastikozko hodiekin, edo olio-latak gozatu eta egur zaharrekin xilofonoak egin zituzten, eta "surdoak" (bonboak) bidoiekin, eta horrela etenik gabe. Jakina, entseguak ere euren berezko esparruan egiten zituzten, kalean, alegia. Taldeak arrakasta handia lortu zuen Jabaquarako (Brasil) Musika Jaialdian; bertan aurkezteko zuten gai bakarraren izena hartu zuten: "Moleque de Rua" (Kaleko Umea), eta amaieran publikoa eszenatokira igo zen material erreziklatuz egindako musika-tresnak jotzeko.
Irrati eta telebistara jauzia
1988an single bat produzitzea erabaki zuen Moleque de Ruak eta, horri esker, irrati eta telebistetara iritsi ziren. Urte bat geroago, Gilberto Gil, Caetano Veloso edo Hermeto Pascual telefoneatu zituzten. Orduan Marco Ferrari errealizadore frantsesaren dokumental batean esku hartu zuten, "Herodes", kaleko umeen fenomenoari dagokionez gobernu brasildarrak erakusten zuen pasibotasuna salatu zuena eta dokumental horren bidez Frantzian ezagunak izatea lortu zuten. Crammed Discs etxeak euren lehen diskoa, "Moleque de Rua",argitaratu zuen Europan, 1994an.
Duintasunaren musika
Ordutik egunera arte Moleque de Ruak 3 CD argitaratu ditu eta urtero egiten ditu birak Europatik, "hondartza eta caipirinha" saltzen duen Brasil ez den beste zerbait aurkeztuz, euren bizitzako esperientziaren ondorio logikoa den musikarekin: rap eta sambaren arteko zerbait, gizarte salaketa egiten duten letrekin eta egoera zailetan bizirauteko kantuekin. Duintasunaren alde borrokatzen duen Brasilen musika, alegia.
Brasilgo Sao Paulo hiriko aldirietan dagoen Vila Santa Catarina favelako gizarte langile batek bere gizarte zerbitzuetako kabineteari atxikita zeuden kaleko umeen arteko futbol partida antolatzeko ideia izan zuen 1983an. Norgehiagoka jokatu ostean, inauterietako desfilean parte hartzeko asmoz, "Escola de Samba" taldea osatzea otu zitzaien. Kontua da ez zutela inolako baliabiderik, ezta perkusioko musika-tresnarik arruntenak erosteko ere. Eta orduan, tresnak eurek egingo zituztela erabaki zuten, edateko ur eta estolderiarik gabe 2 milioi eta erdi biztanletik gora dituen eremuan, kaleetan bertan behera uzten dituzten hiri-hondakinak erabiliz. Ordutik 25 urtera, Algortako Getxo Antzokian emanaldia eskainiko du, ostegun honetan, sortu eta denbora gutxira Moleque de Rua (Kaleko Umea) izena hartu zuen taldeak. Arratsaldeko zortzietan izango da kontzertua, 10 euroren truke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun